Yaya要走了

再過一個月, yaya便要離開我們了, 因為她需要更多更多的金錢去養活她在菲律賓的家人. 逼不得已才選擇另謀高就, 前往百慕達繼續她離鄉背井的生涯.

你小小年紀, 就要承受這個沉重的打擊, 許多親朋好友都在張羅yaya離去的藉口, 避免你承受太大的痛楚. 我們要在此謝過. 無論最後你可以承受多少, 希望你明白, "甜的吃, 苦的也吃". 還記得媽咪借助家長班的學習來教導過你, 要懂得面對哀傷的人生, 比起只追求快樂的人生來得實際, (哀傷~接受~發洩~面對~讓它過去).

多林多後書12:9

他卻對我說：“我的恩典是夠你用的，因為我的能力在人的軟弱上顯得完全。”所以，我更喜歡誇自己的軟弱，好讓基督的能力臨到我的身上。

彥彤語錄(四)

1/ 電視入面提及到"歐洲"二字, 彥彤問媽咪是乜東東, 媽咪解釋歐洲有法國,意大利...等等; 又, 亞洲有中國, 泰國等等...而美洲有美國同墨西哥...彥彤反問我, "墨西哥...係包黎咕喎.."

2/ 今屆香港小姐的2號佳麗, 我和彥彤都覺得好靚, 但又唔希望彥彤太過注重外表, 所以我馬上兜, "其實靚唔靚唔重要, 媽咪都唔靚o格, 但係都可以好開心咕喎..." 她勁唔知醜, 話, "因為你有個好好o既女女啞嘛." 並依偎在我的肩膀上.

不過我都認為是事實.

3/ 行經海港城, 正舉行Audi車展, daddy提起"二手車"三個字, 彥彤不滿地說, "我唔鐘意二手車架!!" 媽咪心想 : 唔係呀嘛, 我幾時教過你咁心頭高o架. 原來她又誤會了, 繼續說, "因為二手車淨係可以坐兩個人, 有無三手車呀!"

二手車=兩座位, 三手車=三座位??

4/ 彥彤在公園結識了新朋友, 並相約翌日到公園再聚. 可惜因要事不能赴約, 她對我傾吐, "我約左個朋友係公園, 又唔去得, 我覺得好唔好意思呀." 彥彤真係好知道自己做緊乜.

5/ 彥彤拿著借書証, 聲稱可以借很多本書, 媽咪告訴她, 每張証只可借6本書, 否則, 恐怕圖書館的書都被你一個人借去, 那麼別人借甚麼呢? 她又有疑問, "咁又係...不過上次我借多過6本, 佢都無拘捕我喎..."