彥彤日誌: January 2007

臉兒紅了

何承謙是彥彤的男同學，或者不單止是男同學，更是令她日思夜想的”好朋友”．

在韋基晉的生日會上，好友鄧曉賢等待著何彥彤，希望跟她玩電動火車，故遲遲不願登上火車，最後彥彤竟然撇下曉賢，登上她”好朋友”的車卡，離曉賢而去．．．看！！！側面都看到她的心有多甜(click上去吧）．．．

晚上daddy mani再度提起何承謙的名字，她的臉蛋和耳朵都紅了，還沒有矜持地說，”我真係好鐘意何承謙架！”

彥彤語錄

奶奶酬神的飯菜很豐富, "係麻麻煮既, 我一定要試清楚."　愛拍馬屁的彥彤逗得奶奶好歡喜．

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

又會耍太極 :　"D湯好好味, 我想飲多一碗, 不過我好飽, 飲唔落喇."　

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

車輛經過浸會大學，太婆滔滔不絕地告訴彥彤，要比心機讀書，大個女讀呢間大學，再去外國讀書，返黎呢，就會賺好多錢架喇．．．彥彤帶點不耐煩地揶揄太婆，”我今年都係k2咋喎．．”

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

玩大富翁，當時形勢對daddy很不利，彥彤有一個落井下石的好機會，卻放過daddy一馬；　daddy很感激她，”乜你咁好人既？”　她說，”我都係小小心意o者." 正一人細鬼大．

新措施

我的回應留言已設定為"任何人", 回應者無需登記, 選擇身份發佈時只需選(匿名), 便可發送你的留言, 方便快捷.

Ah Don (二) 之禍不單行

好不容易, Ah Don 雙眼已經開始續漸復原, 今天還可以睜開雙眼.

好景不常, 正當我們很高興之際, 又發現牠的氣息不太理想, 動作和面色儼如一位老人家...

雖然各人都說你將會離開, 但請你振作, 我們都會支持著你.

源記糖水

回想daddy媽咪在拍拖的日子裡, 經常光顧源記的糖水, 這裡在西環很馳名. 今天特地帶彥彤故地重遊.

Daddy的杏仁露

彥彤的雞蛋糕

媽咪的桑寄生蛋糖水

校車叔叔

Daddy問彥彤, "Daddy渣車快D定校車叔叔渣車快D?"

她說, "校車叔叔快D."

Daddy很緊張, "咁咪好危險?"

她說, "都唔係好危險o者, 不過有時紅燈都會衝o下o既."

這一下子, 真不知道應不應該相信她, 再三盤問, 她都言之鑿鑿...我們可以怎樣呢!?

好核突!!!

媽咪替彥彤更衣, 看見她的T-shirt上沾滿了一點點的污漬, 便問她, "你頭先食過咩黎?"

她說, "瞭鼻屎."

Oh, my goodness.

YaYa 生日快樂

"三條一", yaya的生日很容易記. 我們為她開了一個小型party.

措手不及

劇集入面, 播放著一名腹大便便的婦人..
冷不防被彥彤問了一個問題:
「媽咪呀, 做咩會有BB嘅? 個肚明明無BB架嘛, 點先可以有BB呀!?」

心中一直有一個富麗堂皇的答案, 但一旦被問及, 卻招架不住:
「唔...要daddy同mami先做到架."」

「點做呀!?」

「唔...等我遲d先話比你知喇.」

「做咩要遲d呀?」

終極答案:
「我唔識答.」

就是這樣, 白白糟蹋了一個育幼的好機會.

彥彤, 到你長大以後, 看到這裡, 有發出會心微笑嗎?